بقلم : مروة فرحات
لما العصافير تلجأ للصوت
يبقي المقصود هو حبيبي
دا جميل بيميل علي شجر التوت
فبلاقي الشمس ملت جيبي
والسما بتحدٌف لنا رمان
وحنين وحنان ملو كواكب
ومراكب حالفة لنركبها
بنخاف من بحرك يا مراكب
وتقول ابدا دا البحر حنان
بيودي لدنيا الشيكولاتة
جواهانجوم سارحة علي الشط
بتقول يا معسلة يا بطاطا
ف العربية حاولت تبوسني
كات هتموت هيه العربية
من كتر م باسها قمر ونجوم
وحاجات مش عارفين ايه هي
لزقت ف ازازها علي الجنبين
يا حنين وسنين وحمام غية
الحب طريق يوسع ويضيق
ويفوتنا ويهرب جوانا
وربيع بيضيع جوا الشرايين
علشان يشهد وقت لقانا
الحب سلام وكلام مدهون
أسامينا علي كفوف الدنيا
نحضنها ونلمس شفايفها
فتدوب علي شفايفنا ف ثانية
